डढेलोका कारण क्यानडामा संकटकाल

क्यानडाको अल्बर्टा राज्यमा संकटकाल घोषणा गरिएको छ । अल्बर्टा राज्यको फोर्ट म्याकमुर्रे सहरका ८८ हजार बासिन्दालाई डढेलोकै कारण सुरक्षित ठाउँमा स्थानान्तरण गरिएको अधिकारीहरुले बताएका छन् ।

आइतबार सुरु भएको डढेलो निकै तेज गतिमा सहर तर्फ बढेपछि त्यहाँ बासिन्दाहरुलाई अन्यत्र सारिएको हो । उक्त सहर नजिक रहेका तेल कम्पनीहरुलाई पनि आफ्नो तेल उत्पादन बन्द गर्न भनिएको छ ।

अग्निनियन्त्रकहरुका अनुसार हाल १० हजार हेक्टर जंगलमा अबिले डढेलो लागेको छ र तेज हावा र गर्मीका कारण आगो झन् फैलिरहेको छ ।