अस्ट्रेलियामा एक प्याकेट चुरोटको ४० अमेरिकी डलर

अस्ट्रेलियामा सूर्तीजन्य सामानमा सन् २०१७ देखि १२.५ प्रतिशतका दरले कर बढाइने भएको सिड्नी मर्निङ हेराल्डले मङ्गलबार सार्वजनिक गरेको एक प्रतिवेदनले बताएको छ । 

 

शुल्क वृद्धिसँगै सन् २०२० सम्ममा अस्ट्रेलियामा एक प्याकेट चुरोटको ४० अमेरिकी डलर पर्नेछ । 

 

सरकारले अस्ट्रेलियाको राजस्व सङ्कलनलाई वृद्धि गरी राष्ट्रिय बजेटमा विशेष योगदान पुर्याउने अभियानस्वरुप यो योजना ल्याएको बताएको छ । 

 

चुरोटमा लगाइने अन्तशुल्कवापत अस्ट्रेलियाले सन् २०२० सम्म ३.९ अर्ब अस्ट्रेलियाली डलर थप जम्मा गर्ने अस्ट्रेलियाका वित्तमन्त्री स्कट म्यारिसनले संसद बैठकमा बताए । रासस-एएफपी