पुनर्वास नगरपालिकामा बुहारीको पेटमा ससुराको ७ महिने गर्भ

पुनर्वास, ०३ फाल्गुन

     पुनर्वास नगरपालिकामा बस्ने एक ससुराले

बुहारीसँग यौन सम्पर्क गरेपछि गर्भ रहेको छ । बुहारीले

ससुरासँगको यौन सम्पर्कबाट रहेको ७ महिनाको गर्भ

बोकिरहेकी छन् ।

श्रीमान घरमा नभएको अवस्थामा पुनर्वास नगरपाालिकाकी

एक २८ वर्षिय महिलाले ५८ वर्षिय ससुराको गर्भ बोकेकी हुन् ।

‘ससुरासँगको यौन सम्पर्कले गर्भ रहेको ७ महिनापछि स्थानीय

वासिन्दाले ससुरा–बुहारीलाई प्रहरीको जिम्मा लगाएका

हुन्,’ प्रहरी स्रोतले भन्यो, ‘ईलाका प्रहरी कार्यालय

त्रिभुवनवस्तीबाट आएको घटना जिल्ला प्रहरी कार्यालय

कञ्चनपुरले अनुसन्धान गरिरहेको छ ।’

बुहारीलाई गर्भ बोकाउने ससुरामाथि जबर्जस्तीकरणीको

मुद्दा अन्तर्गत अनुसन्धान भइरहेको प्रहरीले जनाएको छ । महिलाई

महिला विकास कार्यालय कञ्चनपुरको सेफ हाउस र ससुरालाई

जिल्ला प्रहरी कार्यालय कञ्चनपुरको हिरासतमा राखिएको

छ ।

ससुराले जबर्जस्ती यौनसम्पर्क गरेको र बाहिर भनेमा मार्ने

धम्की दिएको महिलाले बताइन् । ‘तेरो श्रीमान घरमा छैन ।

बढी कराउने काम नगर्नु, जे म भन्छु त्यो मान’ भन्दै धम्क्याएर

जवर्जस्तीकरणी गरेको महिलाले बताइन् । ‘ससुराको डरले बाहिर

भन्न सकिन,’ महिलाले भनिन्, ‘गर्भ रहेको ७ महिना पुग्यो ।’

महिलाले घरमा चोर लाग्ने डरले राति ससुरासँगै सुत्ने गरेको समेत

बताइन् । सासु-ससुराबिच विवाद भएपछि सासु आफन्तको घरमा

बस्ने गरेको र ससुराले आफूलाई सँगै सुताउने गरेको बुहारीले बताइन् ।

‘ससुराले गर्भ रहेको थाहा पाएपछि गर्भ फाल्न मेरो तिलहरी बेचेर

१० हजार रुपैयाँको जोहो गरे,’ बुहारीले भनिन्, ‘अस्पताल

आएपछि डाक्टरले ७ महिनाको गर्भ फाल्न नमिल्ने भन्यो ।

त्यसपछि गर्भ फाल्न सकिएन ।’ ससुरा मदिरा खाएर गालीगलौज

समेत गर्ने गरेको महिलाले बताइन् ।

तर, ससुराले बुहारीको सहमतिमै यौन सम्पर्क गरेको दावी

प्रहरीमा गरेको स्रोतले जनाएको छ । ‘बुहारी र मेरो सुत्नेखाट

सँगै जोडिएको थियो । राति बुहारी मेरो खाटमा आएर

सुत्थिन्,’ ससुराको भनाई उदृत गर्दै प्रहरी स्रोतले भन्यो, ‘छोरो

जेल गएदेखि बुहारी र मबिच यौन सम्पर्क हुने गरेको थियो ।’

स्थानीय महिलालाई बलात्कार गरेको आरोपमा ससुराको गर्भ

बोक्ने महिलाका श्रीमान जेलमा सजाय भोगिरहेका छन् ।

छोरो जेलमा भएको, श्रीमती आफन्तको घरमा बस्ने गरेकाले

ससुरा-बुहारी मात्रै घरमा हुँदा ससुराले बुहारीसँग यौनसम्पर्क

राख्ने गरेका थिए ।