अब यस्तो भूमिकामा आउन चाहन्छन् आमिर

चरित्रलाई न्याय दिनका लागि शरीरलाई जस्तोसुकै अप्ठ्यारो परोस् आमिर खान त्यसको परवाह गर्दैनन् । हाल सुटिङ भइरहेको फिल्म ‘दंगल’ का लागि तौल बढाएको/घटाएकोबाटै यो कुराको पुष्टि हुन्छ ।

 

दंगलका लागि उनले आफ्नो तौल ९५ किलो बनाएका थिए । ९५ बाट २५ घटाउनुपर्ने भएपछि उनी अहिले तौल घटाउन लागिपरेका छन् । उनका अनुसार उनी अहिले १३ किलो कम वजनका भइसकेका छन् । 

 

चिकित्सकले स्वास्थ्यमा समस्या आउँछ भन्दा पनि अटेर गरेर चरित्रका लागि सक्दो चुनौति खपेका आमिर अब भने कस्तो भूमिकामा आउन चाहन्छन् त ?

 

मार्च १४ मा जन्मदिन परेका आमिरले जन्मदिनका दिन सञ्चारमाध्यमसँग भने,‘म पहिलेको गजनीजस्तो भूमिकामा आउन चाहन्छु । यो मेरो लक्ष्य हो ।’