छोटु ग्याङ्गविरुद्ध पाकिस्तानले किन सेना उतार्यो ?

सरकारले सेना परिचालन गरे लगत्तै छोटु ग्याङ्ग विरुद्ध पाकिस्तानी सेनाले अपरेशन सुरु गरिसकेको छ । छोटु ग्याङ्गले पछिल्ला दुई हप्तामा सात पुलिसलाई मारिसकेको छ भने २४जनालाई अपहरण गरेको छ । 
 

पाकिस्तानी आर्मीले छोटु ग्याङ्ग बसेको स्थानलाई लक्षित गरेर हेलिकोप्टरबाट गोलाबारी सुरु गरेको छ । 
 

छोटु ग्याङ्गविरुद्ध सेना र पुलिस एकसाथ परिचालन गरिएको पाकिस्तानी पुलिसका एक अफिसरलाई उद्धृत गर्दै बिबिसीले जनाएको छ । 
 

पाकिस्तानले छोटु ग्याङ्गविरुद्धको कारबाहीको तयारी गर्दै आएको थियो । 
 

प्रहरीको कारबाहीलाई हेरेर बसेको सरकारले प्रहरीबाट उपलब्धि हात नलागेपछि सेना परिचालन गरेको हो ।