झुटो विवरण पेश गर्ने तीन भारतीयको नागरिकता खारेज

काठमाडौँः मन्त्रिपरिषद् बैठकले झुटो विवरण पेश गर्ने तीन जनाको नागरिकता खारेज गरेको छ ।

मंगलबार बसेको मन्त्रिपरिषद् बैठकले रुपन्देही जिल्लाबाट झुटो विवरण पेश गरेर नेपाली नागरिकता लिने तीन भारतीय नागरिकको नागरिकता खारेज गरेको हो ।
 

मन्त्रिपरिषद्को निर्णय अनुसार भारतीय नागरिक महेन्द्रकुमार मिश्र, अनिलकुमार मिश्र र सतिशकुमार मिश्रको नागरिकता खारेज गरेको सूचना तथा सञ्चारमन्त्री एवम् सरकारका प्रवक्ता शेरधन राईले अन्नपूर्ण अनलाइनलाई जानकारी दिए । 
 

बैठकले सशस्त्र प्रहरीको प्रमुखका दुर्जकुमार राईलाई नियुक्त गर्ने, बजेट अधिवेशन आगामी २१ गते बोलाउने लगायतका निर्णय गरेको राईले जानकारी दिए ।