स्पेनिस ला लिगा रोमाञ्चक : बार्सिलोना, रियल म्याड्रिड र एथ्लेटिको म्याड्रिड विजयी

वैशाख १९ – स्पेनिस ला लिगाको उपाधि होड रोमाञ्चक बनेको छ । उपाधि होडमा रहेका बार्सिलोना, रियल म्याड्रिड र एथ्लेटिको म्याड्रिडले गएराति भएका आआफ्नो खेल खेल जितेका छन् । बार्सिलोनाले रियल बेटिसलाई २–० ले हरायो । बेटिसका डिफेन्डर वेष्टरम्यानले खेलको ३५ औं मिनेटमा बार्सिलोनाका स्ट्राइकर रेकिटलाई डिएरियामा लडाएपछि रातो कार्ड खाँदै उनी मैदानबाट बाहिरिए ।

१० खेलाडीमा सिमित रहेको बेटिसमाथि ५० औं मिनेटमा बार्सिलोनाका रेकिटले पहिलो गोल गरे । बार्सिलोनाका लागि दोस्रो गोल स्वारेजले ८० औं मिनेटमा गरेका थिए ।

त्यस्तै रियल म्याड्रिडले रियल सोसिडाडलाई १–० ले हरायो । रियललाई उपाधि होडमा कायम राख्न खेलको एक मात्र गोल ग्यारेथ बेलले ८० औं मिनेटमा गरेका थिए । यस्तै एथ्लेटिको म्याड्रिडले रायो भालकानोलाई १–० ले नै हरायो ।