कोहलीको बैंगलोरसँग धोनीको पुने पराजित

आइपिएलमा निकै रोमान्चक खेलमा  बैंगलोरले पुने लाई १३ रनले हराएको छ  ।

पहिले ब्याटिङ गरेको बैंगलोरले कप्तान कोह्ली र डि भिलिएर्सको १५५ रनको साझेधारीमा १८६ रनको लक्ष्य दिएको थियो  ।

कोह्ली ले ८० र डि भिलिएर्स ले ८३ रन जोडेका थिए  ।

जवाफमा उत्रेको पुनेको लागि ओपनिङ आएका डु प्लेसी टिक्न नसक्दा र पहिलो विकेटमा आएका केभिन पिटर्सन घाइते भएर रिटायार हर्ट हुँदा पुने १७२ रनमा रोकियो ।

अन्तिम २ ओभरमा २५ रन आवस्यक रहेको पुनेले परेराको पतन संगै खेल आफ्नो नियन्त्रणबाट गुमाएको हो । परेराले १२ बल खेल्दै ३ छक्का र ३ चौका को मद्धतले ३४ रन जोडेका थिए ।

ओपनर राहानेले ६१ रनको योगदान दिए भने कप्तान धोनी ले ४१ रन जोडे ।