चट्याङ लागेर फुटबल खेलाडी मैदानमै ढले, एकको मृत्यु

खोटाङः जिल्लाको बाक्सिाला गाविसमा भइरहेको बाक्सिाल गोल्डकपका क्रममा शनिबार अचानक पानी सँगै परेको चट्याङ लागेर एकजना खेलाडीको ज्यान गएको छ ।

चट्याङ लागेर ज्यान गुमाउनेमा सप्तेश्वर गाविस-३ का जगतबहादुर राई रहेका छन् । उनी अन्य खेलाडीसँगै चट्याङ लागेर मैदानमै ढलेका थिए ।

घटनामा अन्य पाँच खेलाडी गम्भीर घाइते भएका छन् । घाइते हुनेमा ३ जना पुरुष र २ जना महिला रहेका जिल्ला प्रहरी कार्यालय खोटाङका प्रहरी नायव उपरीक्षक विद्यानन्द माझीले जानकारी दिए ।

चट्याङ परेपछि खेलाडीहरु मैदानमै ढलेर बेहोस भएका थिए । घाइतेहरुलाई उपचारका लागि काठमाडौं लैजान हेलिकोप्टर मगाइएको छ ।

चट्याङ लागेर अन्य १५ जना पनि सामान्य घाइते भएका डिएसपी माझीले जानकारी दिए ।